قصیده و هوسات الی روح کارون/الشاعر سید حسن شریفی
الی روح کارون...
شیّعناک..
الله اویانه چان ابّین المشیعین...
اعله تابوتک کتبنه اشعار مهضومات ..
ورتّلنه اعله طولک حمد والیاسین..
شيّعناک...
کل ما ننهض الوجه الصبح ونصیح ..
تدمغنه عصاة الدین....
هواک العذري چان ایغازل العشّاگ.. وعلی ازلوفک قصاید غنّه بیها الغاگ...
مواویل اشکثر نامت ابحضن الراگ ...
چنه اویالحلم ننتظر عرسک عود..
ماردنه ثیاب السود ..
شیّعناک..
یا کعبة عشگنه الچنه بیک انطوف ...
معذوره الشمس تلبس علیک اکسوف...
شیّعناک...
یالمدفون بیک الحچی الماینگال..شفرَة موت تفتر بین الف موّال ..
یالمایک طهر یغسل اذنوب الگاع ...سفینتنه بغیابک کسّرت لشراع..
الله اویاک یالماشی بدون اوداع ..
الله اویاک ....بالجنه انتلاگه اهناک.....
جفت اجروف الاصاله و مات کارون العرب
و الجهل دگ ساس عدنه و حرث بلگاع و کرب
الفطین الفهم قصدی ، الما فهم ذله شرب
و العار امچلب بثیابه
***
جفت اجروف الاصاله و لبست اثیاب الجفاف
و یکسر الخاطر جسرنه العاش بحضان الضفاف
آه یا ذلة شعبنه الگضه کل عمره یخاف
من ذلة الذله امعیشینه
الشاعر سید حسن الشریفی
بسم الله الرحمن الرحيم