سگانی الدهر من مئسات یوده
وخذه الچـــان الگلب یاناس یوده
الشایع بلعــــــــــرب یاحیف یوده
راح و ضــــــــل ابو النفس الدنیه
الشاعر عیسی الشــرهانی
حچينه ابطيب خوتنه وفتنه
ومثل ماالهه وافينه وفتنه
حشانه امن الحقدوالسب وفتنه
لئن منهجنا سيره الأحمديه
***
حچينه ابطيب خوتنه وگلنه
الحقيقه وللأبد صارت وگلنه
الدهرلو يصلي جثتناوگلنه
حرام انگول غير الواقعيه
الشاعر حاج عارف خمیسی
مَهر الشرف للماعرف قَدر الزلم مَنغیره
او منهج اهلنه ایظل فخر النّه او ابد منغیره
ما ینحسب منه الیِود یکسب مجد من غیره
منه البنه ابایده المجد والصّیت اله اصبح داوی
مهدی ملا فاضل السکرانی
جواد الکون ابرنه ونعله
و اسب العاش بل ذله ونعله
حاتم بل کرم عالی و نعله
اببخل لو طلبو الصاحب علیه
حمد العطیوی
إلصراحه إسمعهه من عدي ولم حای
ما طـاف إبهــــــوا غیــرک ولم حای
دلیلــي او بإلجفـــــــه میت ولم حای
تعلگ بیک هوه إشلون بیه
عادل خلف الساري
جسر و احمل ثگل رکهم وبلهم
و علی تعبر مرابعهم وابلهم
طمع ما ردت من عدهم وابلهم
السکوت و بل سکوت اگطعو بیه
حمد الاعطیوی
ابکل قیمه اشتری الصاحب و سعرای
و لجله ابنار اذب نفسی و سعرای
اریدنلی عدو عاجل وسعرای
ولا صاحب جهول و بی اذیه
حمد العطیوی
ابحگی تشهد العدوان واتغار
ولا همن ابشی الصعب واتغار
انشحن گلبی من الخوان و اتغار
ابغبن و انهدم رکن الصبر بیه
حمد العطیوی
لیش العاشرک جاهل ورباک
نکرته وعفت خلانک ورباک
اشکثر زلاّت اعدیلک ورباک
ابزله من النعیم انزل صفیه
عبود الحی سلطان الزرگانی
بشوگ الحسن یوسف منتهیله
اشتظن یسکن دلیلی منتهیله
یخی دمع النواظر منتهیله
یزود اعلی السحاب القاط میه
عبود الحی سلطان الزرگانی
جفو ما چنت احسب یوم یجفون
وگلت ویای بالنیبات یجفون
اصبرن لا تهلن دمع یجفون
الکریم اعطف من الوالد علیه
عبود الحی سلطان الزرگانی
الصبر والشوگ عندی میت یمحای
علی خده
ظلام اللیل یمحای
انخ یم
گشم المرغال یمحای
احبابی
وخصهم منی ابتحیه
عبود الحی سلطان الزرگانی
تداوی اجروحنه اجروحک
دوینه
الدویت ابنارنه
ابنارک دوینه
تسیر انسیر
بساحه دوینه
تظل انظل رحت
نرحل سویه
عبود الحی سلطان الزرگانی
ابترمه وصافنات الرمک بالعین
ابدگتنه اشکثر عگبان بالعین
اصواب الدهر صار اویای بالعین
خذه اخیار السلف والبی حمیه
عبود الحی سلطان الزرگانی
الغبر لدعی علیه اب مرض ماثار
ومثل فشگ اشداده ابضیج ماثار
الخارم لودگله الباب ماثار
ایتمگطع جن گضیب ابحلگ حی
حمد العطیوی
سکنت البید انوحن ونعبلهم
اغراب البین غرد ونعبلهم
ابطلل والچبد سوّس ونعبلهم
ارحلو ودیارهم تمت خلیه
عبود الحی سلطان الزرگانی
الذی ما یکرم الصاحب ویرعا
بهیمه او یالوحش سارح ویرعا
شری من چف اسد اشرب ویرعا
عسل من چف نذل یصعب علیه
عبود الحی سلطان الزرگانی
الدهر یفعل ابکیفه من یراده
وسبع یجعل الخارم من یراده
شفت الصگر مخرک من یراده
وتعرفه اسلالها بالموزمیه
عبود الحی سلطان الزرگانی
حبیبی امسهر العشاگ
لیلاک
ابکثر
نوحی ونحیله اعضای لیلاک
ارید
الله یحرمک نوم لیلاک
مثل ما
حرّمت نومی علیه
عبود الحی سلطان الزرگانی
صحیب الینفع الصاحب وشاله
یخیطله فتگ دهره وشاله
من الدیباج فصله وشاله
یگله البس وانه راعی حمیه
حمد العطیوی
فتگی وحدی اخیطنه وشیله
ودمع العین ما بطل وشیله
اطبعت لذل ردت حمله وشیله
کلف موعادتی یصعب علیه
انا الشجره ابوصالک صیرکلما
انادی و ما علی نبیت کلما
اشبن و احترگ یهوای کلما
تمر و اتذکر ایام السویه
حافظ سلامی
بسم الله الرحمن الرحيم