الفخر لا للیگلک چان یدّای
سخی کل وکت للمعروف یدای
الفخر لل گال تشطر کرم یدّای
وفیت الما وفو وللوفولیّه
ملا فاضل السکرانی
العارف یلبس المعروف للشال
وعن یار السفیه الفضل للشال
الیفتگ لاتِحمده الحمد للشال
الفتگ والشال هم خِلّه وخویّه
ملا فاضل السکرانی
أحِمده البالعگل ینشار وشّار
اشکره وأکره الشرّیر وشّار
أود کل من الحش الخیر وشّار
منایل سوء یتدهده ابهبیّه
ملا فاضل السکرانی
الحی البی یحیّی المجد حطبه
ورفض حیّک البس خبث حطبه
شجر ذل الجهل بالعجل حطبه
نجس حمل الیحمله ونحس فیّه
ملا فاضل السکرانی
سهر لیل الشته المسچین حیّه
ویون چالگرصته من الرگط حیّه
یاهو الساعده ومن بیه حیه
وإله منهو الدنه غیر المنیّه
ملا فاضل السکرانی
یمن جن الهوای اجنون لهواک
یظل منی النفس مرهون لهواک
لون حین المنیه ایحین لهواک
اصیح اهلن وسهلن بل امنیه
ملا فاضل السکرانی
المآسی امن الزغر هدمن طربی
وجهل ناسی دعالی الچبد طربی
یگلولی بگالک ینح طربی
گلت کسروه اخوتی الزور بیه
ملا فاضل السکرانی
ما ادري اشلفه
گـــــــومي شیلـــــهه
المسا
ویا سیل أسه غبشـــه شیلهه
یگللي
الگلب خل یلهـــــه شیــــــلهه
الـــــربع
کلهـــه ابأســه ومحنه وأذیه
ملا فاضــــــل الســکراني
گلت للدوم الی شــوگی مــلا زم
مــــــولازم تعــــــذبنی مـــــــلا زم
ابزجر وابخزر جاوبنـی مـله زم
گبل لازم رمانی وفتـــک بیـــــــه
ملا فاضــــــل الســـکرانی
مو بس بالأسی من انهضت کلّي
المتن لا و النبي اتضعضعت کلّي
صفیت ابمشکلي محتار کلّي
رمی ضده و خطه و صوّب خویه
ملا فاضل السکراني
اشم طیب الحبيب السکن بشّام
ابذکر شوگه اسهرت وسکرت بشّام
روحي من الصّبا اتعلّگت بشّام
الحلتلي ابوجنته السّمحه الزهيّه
ملافاضل السکراني
احرگتنی انته بلظه فرگاک ونتل
نتلت انیاط گلبی ابزعل ونتل
ابگه اعلیک اون یالولف ونتل
حزینه الفگدت العشره اضحویه
ملا فاضل السکرانی
يمته ایعود حالي اردود مرضي
وشم ند خد حبیبي اليزم مرضي؟
لوّن ابليل مظلم عَلَي مرضي
جبينه انچان شع الصّبح ضيّه
ملافاضل السکراني
حنه اضلوعي ولعند اعضاي عيّب
العَلّي يوم النوی من انحبت عيّب
اصفگت راح الأسی من انعجد عيّب
طريج اظعون ناهي الگطع فيّه
ملا فاضل السکراني
من تحت النگاب اللّحظ ينگاب
دليلي البي ضرام العشگ ينگاب
متـظم طیب زلف الولف ينگاب
ولا تحجب جمال السطع ضيّه
ملا فاضـــل الســــــکرانـــي
یگولون الظلم میدوم هدام
وکثیره ابیوت لاهل المجد هدام
ایود ویرید الستعمار هدام
یجری ابکل صباح کل مسیه
لشاعر
.jpg)
من صوب النزل شع نور یمطور
سینا البی شمسکم زهت یمطور
علی سلمه الدمع دم دوم یمطور
جره امن اطرور گلبی و عمل بیه
ملافاضل السکرانی
بسم الله الرحمن الرحيم